Årsmøtet for 2017 vart halde på Jostedal hotell den 26.02.2018. Det vart teke opp vanlege årsmøtesaker, og Arve Røneid underheldt på toradar. Solveig Sperle stilte til attval i styret, medan Arve Røneid og Arnfinn Gjerde ikkje var på val i år. Erling Bjørn Vigdal har diverre valt å re av som leiar, og Oda Heidi Bolstad tek over leiarvervet. Mathilde Skjæret vart vald inn som nytt styremedlem. 

Årsmeldinga ligg no tilgjengeleg under fana Om JSD.

Me takkar Erling Bjørn for innsatsen, og det nye styret ser fram til eit nytt godt arbeidsår med mykje aktivitet i laget. 

Jostedal spel- og dansarlag skipar til kurs i hardingfele, trekkspel, song og dans med topp utøvarar som kurshaldarar. Alt er samla på Jostedal Hotell, som også har gode mogelegheiter for eit skikkeleg måltid og ei mjuk seng, for den som måtte trenge det. 

Laurdag 2. april blir det konsert og dans med Odde/Sulheim/Brimi på kl. 20.00 på Jostedal hotell.