Landskappleiken 2016
Landskappleiken i Vågå var eit flott arrangement med mykje trivelege folk og flinke utøvarar. Til stor glede for eit interessert publikum vart tradisjonsmusikk og -dans frå Jostedal og Sogn framført på scena i tevlingane. Jostedal spel- og dansarlag sine medlemmer stilte til tevling i heile seks klassar.
Glimrande spel av Kristi og Tora Bjørhusdal i gruppespel junior, Tora stilte og i Spel hardingfele klasse C, og spelte godt.
I Dans hardingfele A dansa Oddbjørg Ese og Johannes Kjos framifrå Jostedalspringar til spel av Synnøve S. Bjørset.
Mathilde Skjæret og Mari Ormberg deltok i Spel hardingfele B, og Einar Ese stilte i to klassar, Spel hardingfele D og Durspel senior.
Resultat frå kappleiken: Her
Tidlegare i vår vedtok styret i FolkOrg at det skal vere felles poengskala for dei ulike klassane på Landskappleiken og Landsfestivalen i gammaldansmusikk. Skalaen går frå 0-100 poeng, og grensa for opprykk til A-klassa på Landskappleiken er 75 poeng. Du kan lese meir om ny poengskalaen: Her
Video frå kappleiken kjem her