Fullt hus på hotellet!

Folk kjende si besøkelsestid då Sulheim/Odde//Brime - tre av våre aller beste folkemusikarar - heldt konsert på hotellet laurdag kveld. Lokalet var fylt til siste benk, og publikum fekk ei strålande framføring av musikk etter spelemannen og komponisten Sjugurd Garmo frå Garmo i Gudbrandsdalen. I solo og samspel fekk me høyre drivande gode springleikar, lyriske lydarslåttar og halling.

Etter konserten vart det dans med spelemannslaget. Knakande godt dansespel! Mange vart att etter konserten og fekk også med seg ei god økt med dansemusikk frå gjestene.